⇓ سكريبت الفيديو ⇓
طبعاً احنا عارفين إن فيسبوك موفرلنا أكتر من طريقة عشان نستهدف بيها الـ Audience أو الجمهور بتاعنا زي مثلاً:
1. الـ Interests أو الاهتمامات
2. الـ Demographics أو التركيبة السكانية
3. الـ Behaviors أو السلوكيات
أو لو عندي Custom Audience أقدر أعتمد عليه
اللي عايزين نتكلم عنه دلوقتي هو نسبة الدقة في الاستهداف مابين الـ Interest والـ Demographics والـ Behaviors
نسبة الدقة في الـ Interest تعتبر ضعيفة جداً لأن الاهتمامات بتتسجل لما اليوزر بيتفاعل مع محتوى معين
بالتالي مش كل الناس اللي مهتمين بـ Topic أو موضوع معين بيكون عندهم نية أو رغبة بشراء منتج يخص اهتمامهم ده
انت مثلاً ممكن تكون بتحب العربيات وبتتفاعل مع أي محتوى يخص السيارات لكن مش بتفكر تغير عربيتك أو تشتري عربية بشكل عام
انا مثلاً بحب أتفاعل مع المحتوى اللي ليه بالعقارات، بحب أشوف شكل العقارات الحديثة وتقسيمتها من جوه وكده، لكن ده مش معناه إني لو شوفت إعلان لعقار في الوقت الحالي هفكر أشتريه
وفي كتير غيري وغيرك على نفس النظام!
عشان كده الاستهداف بالـ Interest مش أحسن حاجة
الاستهداف بالـ Demographics نسبة الدقة فيه أعلى شوية لأنه بيعتمد على مواصفات وتركيبة سكانية واضحة
بالرغم من إن في أشخاص ممكن يتكبوا بيانات غلط في حساباتهم على فيسبوك زي مثلاً تاريخ الميلاد أو الوظيفة
لكن ده بيكون عدد قليل جداً!
الاستهداف بالـ Behaviors نسبة الدقة فيه أعلى من الـ Demographics وأعلى من الـ Interest لأنه بيعتمد على سلوك واضح، مفيش فيه تزييف أو لغبطة
انا عارف إن أوقات كتير وكمان في مجالات معينة بتضطر إنك تستهدف بالـ Interest
مفيش مشكلة حاول تعمل ميكس مابينهم لو في إمكانية
لكن لو عندك القدرة إنك تستهدف أكتر بالـ Behavior والـ Demographics، إعمل ده وهتحقق نتائج أحسن!