fbpx

تحليل نقاط القوة والضعف للشركات

تحليل الـ SWOT يعتبر من أول الخطوات الأساسية في التسويق والادارة عموماً، وهو عبارة عن تحليل مقسم لـ 4 أقسام، كل حرف في كلمة SWOT بيعبر عن قسم أو مصطلح كالآتي:
👈 نقاط القوة Strength
👈 نقاط الضعف Weakness
👈 الفرص Opportunities
👈 التهديدات Threats

🔵 جزء الـ Strength وجزء الـ Weakness من الأجزاء الداخلية (Internal)ـ أو بمعنى تاني دي الأقسام اللي انت ليك سيطرة عليها وتقدر تعدل فيها يعني بتكون داخل شركتك أو داخل نطاق سيطرتك.

🔴 جزء الـ opportunities وجزء الـ Threats دي أجزاء خارجية (External)، يعني مش ليك تحكم فيها ولكن مازلت تقدر تتجنب التهديدات وتسعى نحو الفرص صح؟

تحليل الـ SWOT ده بيفهمك انت فين ووضعك الحالي ايه ونقاط القوة والضعف في شركتك ايه والفرص والتهديدات اللي قدامك ايه وبالتالي فهو خريطة ليك انت بتمشي عليها.

✏️ لازم اللي تكتبه في تحليل SWOT يكون مختصر يعني مينفعش تكتب قصص ومواعظ عشان مش هتستفاد حاجة، لكن حاول تعمل تحليلك في شكل نقاط واضحة ومفهومة وطبعاً لازم تاخد بالك من العناصر الخارجية والعناصر الداخلية لأن معظم الناس بتخلط بين الـ Internal والـ External.

مثال: لو بتشتغل في الـ E-Commerce وبتقول ان “وقت توصيل المنتج للعميل” هو نقطة ضعف عندك لأنه بيستغرق وقت كبير، هل ده بسبب تأخيرك في تحضير المنتج ولا بسبب شركة الشحن مش كويسة ولا بسبب ازدحام المرور في البلد بشكل عام؟

لو الاجابة ازدحام المرور مثلاً، هنا هنكتب “وقت توصيل المنتج للعميل” ضمن الـ Threats لأنه عامل خارجي انت متقدرش تسيطر عليه، لكن لو الاجابة انك بتتأخر في تحضير المنتج مثلاً، يبقى هنا هنحط “وقت توصيل المنتج للعميل” ضمن الـ Weakness عشان كده أصبح عامل داخلي ليك سيطرة عليه.

❗️ لازم تحاول تكتب جذور المشكلة يعني لو تأخير التوصيل من عندك انت بسبب نقص العمالة اللي المفروض تساعدك في تحضير المنتج، يبقى هنا المفروض تكتب “نقص العمالة” في الـ Weakness لأنه برضو عامل داخلي انت تقدر تعين أشخاص تساعدك في المهمة دي.. وهكذا

لو شايف ان الموضوع مهم وكبير ومعقد في نفس الوقت 🥴 وحابب اني أساعدك في عمل تحليل SWOT للبزنس بتاعك تقدر تتواصل معايا على الخاص